Music

ਦੇਸ਼ ਦੇ ਇਕ ਤਿਹਾਈ ਐਮ.ਪੀ. ਅਤੇ ਵਿਧਾਇਕਾਂ ਵਿਰੁਧ ਚਲ ਰਹੇ ਨੇ ਅਪਰਾਧਕ ਮਾਮਲੇ

ਨਵੀਂ ਦਿੱਲੀ, 2 ਸਤੰਬਰ : ਮੌਜੂਦਾ ਲੋਕ ਸਭਾ ਦੇ ਇਕ ਤਿਹਾਈ ਮੈਂਬਰ ਅਪਰਾਧਕ ਮਾਮਲਿਆਂ ਦਾ ਸਾਹਮਣਾ ਕਰ ਰਹੇ ਹਨ। ਇਹ ਪ੍ਰਗਟਾਵਾ ਚੋਣ ਸੁਧਾਰਾਂ ਬਾਰੇ ਇਕ ਗ਼ੈਰ ਸਰਕਾਰੀ ਜਥੇਬੰਦੀ ਵਲੋਂ ਕੀਤਾ ਗਿਆ ਹੈ। ਐਸੋਸੀਏਸ਼ਨ ਫ਼ਾਰ ਡੈਮੋਕ੍ਰੇਟਿਕ ਰੀਫ਼ਾਰਮਜ਼ ਵਲੋਂ 5 ਸੂਬਿਆਂ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਅਤੇ ਅਗਲੇ ਸਾਲ ਹੋਣ ਵਾਲੀਆਂ ਲੋਕ ਸਭਾ ਚੋਣਾਂ ਨੂੰ ਵੇਖਦਿਆਂ ਇਹ ਅਧਿਐਨ ਕੀਤਾ ਗਿਆ ਜਿਸ ਮੁਤਾਬਕ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿਚਲੇ ਇਕ ਤਿਹਾਈ ਵਿਧਾਇਕ ਵੀ ਅਪਰਾਧਕ ਦੋਸ਼ਾਂ ਵਿਚ ਘਿਰੇ ਹੋਏ ਹਨ।
ਸਰਵੇਖਣ ਮੁਤਾਬਕ ਮੌਜੂਦਾ ਲੋਕ ਸਭਾ ਦੇ 543 ਮੈਂਬਰਾਂ ਵਿਚੋਂ 162 ਵਿਰੁਧ ਅਪਰਾਧਕ ਮਾਮਲੇ ਚੱਲ ਰਹੇ ਹਨ ਜਿਨ੍ਹਾਂ ਵਿਚੋਂ 76 ਵਿਰੁਧ ਗੰਭੀਰ ਦੋਸ਼ ਹਨ। ਇਸੇ ਤਰ੍ਹਾਂ ਦੇਸ਼ ਭਰ ਦੇ ਕੁਲ ਵਿਧਾਇਕਾਂ ਵਿਚੋਂ 1258 (31 ਫ਼ੀ ਸਦੀ) ਵਿਰੁਧ ਅਪਰਾਧਕ ਮਾਮਲੇ ਚੱਲ ਰਹੇ ਹਨ। ਸਰਵੇਖਣ ਕਹਿੰਦਾ ਹੈ ਕਿ ਚੋਣਾਂ ਵਿਚ ਜਿੱਤ ਹਾਸਲ ਕਰਨ ਵਾਲੇ ਉਮੀਦਵਾਰਾਂ ਵਿਚੋਂ 23 ਫ਼ੀ ਸਦੀ ਗੰਭੀਰ ਅਪਰਾਧਕ ਦੋਸ਼ਾਂ ਦਾ ਸਾਹਮਣਾ ਕਰ  ਰਹੇ ਸਨ ਅਤੇ ਸਿਰਫ਼ 12 ਫ਼ੀ ਸਦੀ ਜੇਤੂ ਉਮੀਦਵਾਰ ਹੀ ਸਾਫ਼ ਸੁਥਰੇ ਅਕਸ ਵਾਲੇ ਸਨ।  (ਪੀਟੀਆਈ) Rozana Spokesman